اصبر على جارك السو :) موضوع مهم لكل ست

من طرف ام نغم الخميس 17 يناير 2013, 11:07 pm

انا فكرت اشارك بايه فى قعدة الشلت دى فا جه فى دماغى موضوع مهم اوى وهو قاعدتك مع جيرانك واد ايه القعدة دى ممكن تجيبلك احيانا مشاكل كتير
مش باقول طبعا انك ما توديش جيرانك بس باقولك تخلى بالك منهم ,
وفيه نماذج كتيير بنشوفها للجارة الصالحة ولكن الجارة الطالحة موجودة بردو يعنى مثلا:
تلاقى جارة تبقى بتثقى فها اوى وبتحكلها كل اسرارك وفجأة تلاقى الشارع كله عرف سر بيتك وتلاقى فلانة وعلانة بجبو فى سيرة بيتك ومشاكلك
واجارك الله بقا لو حكيتلها حاجة وحشة عن جوزك مثلا تلاقيها راحت حاكياها للجارة وجارة الجارة وكل واحدة فيهم تروح تحكى لجوزها واخرتها الموضوع وصل لجوزك وتحصل مشكلة كبيرة لاقدر الله
وبردو نموذج تانى من الجارة الطالحة وهى الجارة الحسودة واللى تلاقها بتشوف الخير فى بيتك وبتبقا من جواها بتتمنى زواله عنك
وكله بقا كوم والجارة والجارة الفاضية كوم تانى تبقى قاعدة لا بيكى ولا عليكى وتلاقها طابة عليكى زى القضا وفضلت قاعدة طول النهار معاكى من عير احم ولا دستور
وتبقى محرجة انك تقوليلها امشى لان وراكى اشغال ودى ولا بيبقا عندها اى دم
والا بقا لو حظك وقع فى جارتك المصلحجية اللى تلاقيها كل شوية بتخبط عليكى وعندها طلب شكل شوية هاتى بصلة وشوية هاتى سمنة وشوية هاتى كريم لاحسن الكريم بتاعى خلص ولو فى يوم قلتيلها مش عندى او عبرتلها عن ضيقك من تصرفها ده تقول عليكى معفنة وبخيلة وتنسى كل المواقف الكريمة ليكى
وبردو فه مثال مش كويس خالص وهى الجارة اللى تلاقها لازقالك وتكتشفى فى الاخر انها عينها من جوزك ولا من حد من اهل بيتك وحصلت كتير اوى اوى

بس زى ما فيه الوحش فيه الحلو والوحش اللى فات ده كله نقدر نتجنبه لو حطينا شوية قيود وقوانين على علاقاتنا بجيراننا يعنى مثلا تبقى معرفاها ان الزيارات لازم تكون مترتبة قبلها وتبقو متفقين على مواعيدها
وانك كمان تبقى عارفة حدود الكلام معاها ومش كل حاجة تتقال قدامها
كمان لو حصل ان جوزك فى البيت حاولى ان مايدورش بينك وبينه اى حوار قدام جرانك علشان اسرار البيت تفضل محفوظة
واوعى ابدا ابدا تتكلمى عن جوزك مع اى حد سواء بخير او بشر لانك لو اتكلمتى عنه بالخير وقلتى محاسنه ممكن تتحسدى عليها او غيرك تطمع فيه
ولو اتكلمتى بشر ممككن اكلام خلكى تخسريه لو وصله , وممكن بردو تخلى جارتك تاخد بالها منه وتبصله بصة تانية ( انت فاهمانى طبعا )
يعنى علاقتك بجارتك تكون بتدور عنكو فقط مش عنكو وعن بيوتكو واجوازكو اتكلمو فى اى حاجة موضة طبيخ سياسة مجتمع اطفال بس مش لازم تتكلمو فى حياتكو الشخصية
كمان من اهم الحاجات اللى لازم تاخدى بالك منها فى علاقتك مع جارتك انك ماستمحيش لها انها تكلمك عن بيتها او جوزها لانها لو عملت كدة معاكى وانت رفضتى تقوليلها عن حياتك هاتزعل منك وتحس ان فيه ازمة ثقة .
وربنا يكفينا كلنا شر الجارة السو .. ويرزقنا بالجارة الصالحة اللى تقف جنبنا فى اوقات الشدة

من طرف شربات الجمعة 18 يناير 2013, 3:54 am

تسلمى كلامك حلو والله \وراى المثل حرص ولا تخون\فى انتظار المذيد lol!

اصبر على جارك السو :) موضوع مهم لكل ست

اصبر على جارك السو :) موضوع مهم لكل ست

رد: اصبر على جارك السو :) موضوع مهم لكل ست