للتخلص من خشونة الكوع والركبة والكعب

[center]النهاردة كنت باتصفح موقع من مواقع الجمال ولقيته حاطط مقال عن كيفية العناية بالقدم فى عشر خطوات بس o.O مش هاطول عليكو دخلت اشوف الخطوات لقيتهم جايبين حاجات كتير اوى ماسك بقا وصنفرة وسويت وكريمات وحجر وكلام كتيير اوى وعلشان اعمل جلسة واحدة للعناية بقدمى المفروض اضيع تقريبا فيها حوالى 3 ساعات واكيد لازم استمرارية عليها يعنى اشطة مش هاعملها غير كل سنة مرة ده لو اتعملت لانى مش فاضية وقتها افتكرت حاجة جدتى ومامتى علموهالى زمان كانت بسيطة اوى ورخيصة جدا وهى خلطة الجلسرين والليمون وتمنها بالظبط 3 جنيه ونص:
اه مستغربين ليه خلطة سهلة اوى وبتستعمليها كل يوم قبل النوم وخلاص
1- اشترى من الصيدلية زجاجة جلسرين صغيرة تمنها مش هايعدى3 ج.
2- ليمونة كبيرة تكون فيها عصير كتير
هاتعصرى اليمونة دى جوة زجاجة الجلسرين الصغيرة وترجيهم وكل يوم باليل ادهنى بيهم ركبتك وكعب رجلك ومنطقة الكوع والصبح اغسليهم وخلاص
( اوعى تسيبيهم ومش تغسليهم ) .
اهو ولا عشر خطوات ولا يحزنون وفى الاخر نتيجة مبهرة بعد كام يوم هاتلاقى المناطق اللى استعملتى عليها الخلطة دى بقت ناعمة ومافيهاش تشققات ومع الوقا بيدى ليها نضارة طبيعية جدا بس اهم حاجة انك تستعمليها كل يوم على الاقل لمدة اسبوع .
منقول المصدر .. نورشاد ستايل فاشون بوابة الجمال .]]من هنا

وصفة جميلة مشكورة اختى على المجهود الرائع

حسبي الله ونعم الوكيل

وصفه سهله ومفيده قوى وكمان مش غاليه تسلمى يا نور